KRYETARI ISMAJLI VIZITOI KËSHILLIN E BASHKËSISË ISLAME NË SHTIME
Shtime, 21.8.2018 – Kryetari i Komunës së Shtimes, z. Naim Ismajli i shoqëruar nga shefi i zyrës së kryetarit, z. Hajrullah Ademaj, gjatë ditës kanë vizituar Bashkësinë Islame në Shtime me rastin e festës së Kurban Bajramit.
Përfaqësues në KBI – Shtime, në krye me antarin e kryesisë së Bashkësisë Islame, z. Emin Ademaj, sekretari i Bashkësisë Islame, Burim Rexhaj edhe antari Mustafë Jakupi, të cilët kanë përshëndetur kryetarin Ismajli për viziten dhe e falenderuan për urimet.
Kryetari Ismajli me këtë rast ka thënë:
“Festa e Kurban Bajrami duhet ta ketë kuptimin dhe të fokusohet në pikëpamjen e solemnitetit dhe përkujtimit, mirëpo me këtë rast të shprehet edhe uniteti, barazia mbi të gjitha solidariteti me kategori të caktuara të shoqërisë.
Kurban Bajrami karakterizohet edhe me shkuarjen në Haxh me ç’rast të gjithë atyre që patën rastin të kryejnë këtë obligim i urojmë.
Për këtë festë të tregojmë respekt për familjet e Dëshmorëve dhe të Martirëve sepse merita e tyre për liri dhe pavarësi përherë do të jetë vlerë dhe meritë kombëtare.
Përkushtimi ndaj së mirës, toleranca, respekti e humaniteti që sjell kjo festë kaq madhështore ju përcjelltë gjatë tërë jetës.
Në emër të institucioneve të komunës së Shtimes si dhe në emrin tim ju uroj festën e Kurban Bajramit”.
