Shtime, 15 korrik 2026- Kuvendi i Komunës së Shtimes mbajti dje mbledhjen e VI-të të rregullt për këtë vit, të kryesuar nga kryesuesi i Kuvendit, Rrahman Jakupi. Gjatë mbledhjes, asamblistët diskutuan dhe shqyrtuan pikat e parapara në rendin e ditës, ndërsa u shtua edhe një pikë shtesë, ajo e plotësimit të komiteteve tjera me anëtarë.
Mbledhja nisi me pikën pyetje dhe përgjigje, për të vazhduar më pas me shqyrtimin e këtyre pikave të rendit të ditës:
-Shqyrtimi i shkresës me opinion ligjor të MAPL-së, nr. 020-282/12, të datës 18.06.2026;
-Propozim-vendim për nivelizimin e kompensimit të anëtarëve të Bordit të Aksionarëve të ndërmarrjes publike;
-Shqyrtimi dhe miratimi i Raportit financiar të Komunës së Shtimes për periudhën janar–qershor 2026;
-Draft-programi trevjeçar për banim social në Komunën e Shtimes (pas diskutimit publik);
-Informatë nga KKSB-ja për punën gjatë periudhës janar–qershor 2026;
-Informatë nga DKA-ja për përfundimin e vitit mësimor dhe suksesin e nxënësve në arsimin parauniversitar;
-Informatë e Sektorit të Bujqësisë lidhur me fillimin e korrje-shirjeve për vitin 2026;
-Shqyrtimi i kërkesës së Rrahman Hysenajt, nr. 01-070/05, për realizimin e një projekti të infrastrukturës publike;
-Shqyrtimi i kërkesës së N.T.P. “Butterfly”, nr. 01-070/05, për dhënien e pëlqimit nga Kuvendi i Komunës lidhur me shfrytëzimin e parcelës dhe objektit përkatës;
-Plotësimi i komiteteve të tjera me anëtarë.
