Drejtoria për Shëndetësi dhe Mirëqenie Sociale

Mimoza Salihu Qeriqi

• BIOGRAFIA:

Mimoza Salihu Qeriqi është lindur dhe rritur në një familje atdhetare, e cila ka ndikuar në formimin e vlerave dhe parimeve të saj. Ajo ka përfunduar studimet e nivelit Bachelor dhe Master në drejtimin e Bankave, Financave dhe Kontabilitetit në Fakultetin Ekonomik të Universitetit të Prishtinës, duke zhvilluar një bazë të fortë teorike dhe praktike në këto fusha. Gjatë periudhës së studimeve, ajo ka fituar njohuri të thella në menaxhimin financiar, analizën e investimeve, kontabilitetin e avancuar dhe rregullimet financiare.

Përveç formimit akademik, Mimoza ka një përvojë profesionale prej 7 vjetësh në sektorin mikrofinanciar, ku ka punuar në pozita të ndryshme. Gjatë kësaj periudhe, ajo ka zhvilluar aftësi të shkëlqyera në menaxhimin e financave, analizimin e riskut dhe ofrimin e shërbimeve financiare për individë dhe biznese të vogla. Përvoja e saj e gjerë e ka mundësuar që të fitojë një kuptim të thellë të industrisë dhe të kontribuoni në zhvillimin dhe përmirësimin e shërbimeve financiare.

Përveç aftësive profesionale, Mimoza ka njohuri të avancuara kompjuterike, përfshirë njohjen e paketës Microsoft (Word, Excel, PowerPoint) dhe programeve të tjerë të nevojshëm për punë të përditshme, si dhe përdorimin e mjeteve të specializuara për analizën dhe menaxhimin financiar.

Ajo është e angazhuar në zhvillimin e vazhdueshëm profesional dhe ka shprehur interes të veçantë në fushën e analizës financiare, menaxhimit të rrezikut dhe zhvillimin e zgjidhjeve inovative financiare.

• PËRGJEGJËSITË:

Ofrimin e  kujdesit  shëndetësor parësor në Komunë,  në  pajtim  me  dispozitat  ligjore;

Inspektimin e  qendrave  private të kujdesit  parësor  shëndetësor;

Vlerësimin e  nevojave  lokale  , për  shëndetësi  primare;

Vendosjen  e  objektivave,  për kujdesin parësor  shëndetësor;

Zhvillimin e  buxhetit , bazuar  në  nevojat  lokale  duke  respektuar udhëzimet  e  MSH;

Koordinon  dhe  mbikëqyrë  punën e  QKMF-së, QMF-ve dhe  ambulantave  shëndetësore  në  territorin e  komunës;

Mbikëqyrë  operimin e  Qendrës  për  Punë dhe  Mirëqenie  Sociale;

Përkujdeset për zhvillimin e planit strehimor për territorin e komunës;

Mbikëqyrë sigurimin e ofrimit të shërbimeve sociale  dhe  familjare,  brEnda territorit,sipas  standardeve  të  përcaktuara  nga  MPMS.