AMBASADORI I BE-SË NË KOSOVË Z.TOMAS SZUNZYOG VIZITON KOMUNËN E SHTIMES

Shtime, 4 korrik 2022 – Gjatë ditës së sotme, Kryetari i Komunës, Qemajl Aliu, me bashkëpunëtorë nga kabineti qeverisës, ka pritur në takim Ambasadorin e BE-së në Kosovë, z.Tomas Szunyog.

Në këtë takim u zhvilluan diskutime për çështje në sfera me interes për qytetarët shtimjan, me theks të angazhimit të përbashkët për rritjen e mirëqenies së tyre.

Kryetari Aliu, pasi i uroi mirëseardhje z.Szunyog duke e falenderuar për vizitën, potenci rëndësinë që paraqet si qeverisje komunale por edhe si mjek me profesion, dislokimi i Entit Special në një vend më të përshtatshëm dhe që ruan dinjitetin e pacientëve dhe ndikon në kushtet më të favorshme të jetesës. Gjithashtu, theksoi mundësinë e realizimit të projektit të ngrohjes qendrore në Shtime, që do zgjidhte një problem që ballafaqohen qytetarët e Shtimes. Po ashtu, u diskutua për krijimin e kompanisë rajonale të pastërtisë në komunën e Shtimes brenda kornizave ligjore, ku kësisoj instancat komunale do ta kishin lirinë e veprimit më të shtuar dhe kjo do ndikonte edhe në rritjen e efikasitetit të shërbimeve të pastërtisë.

Në anën tjetër, ambasadori i BE-së, pasi uroi kryetarin Aliu për fitoren në zgjedhjet lokale, theksoi se i sheh si të rëndësishme vizitat nëpër komuna, pavarësisht hapësirës territoriale të tyre, për ta njohur nga afër mënyrën e zhvillimit të jetesës. Po ashtu, vuri fokusin te çështja e përmirësimit të kujdesit shëndetësor, mbrojtja e mjedisit, fuqizimi rinisë etj, duke theksuar se do kemi angazhim të përbashkët edhe me nivelin qendror për realizimin e projekteve në dobi të qytetarëve shtimjan.

Më pas, kryetari Aliu dhe ambasadori Szunyog, zhvilluan vizitë edhe Qendren për Punë Sociale, që është financuar më parë në renovimin e saj nga fondet e BE-së dhe UNDP si dhe Qendren Rinore për të parë nga afër gjendjen dhe gjetjes së mënyrave të funksionalizimit të saj.