Shtime, 27 janar 2025- Është mbajtur sot mbledhja e parë e rregullt për vitin 2025, e kryesuar nga Kryesuesi i Kuvendit, Adnan Ademi. Në këtë mbledhje morën pjesë Kryetari i Komunës, Qemajl Aliu, dhe drejtorët komunalë.
Pas miratimit të procesverbalit nga mbledhja e kaluar e mbajtur më 24.12.2024, mbledhja vijoi me shqyrtimin e pikave të rendit të ditës, ku drejtorët komunalë ofruan sqarime të hollësishme për këto pika të rendit të ditës:
2. Rishikimi i Rregullores Komunale për Taksa, Tarifa dhe Gjoba për vitin 2025, bazuar në rekomandimin e MBPZHR.
Për këtë pikë, drejtori Gojart Bajrami dha sqarime të detajuara, duke u bazuar në rekomandimet e Ministrisë së Bujqësisë, Pylltarisë dhe Zhvillimit Rural.
3.Raporti Vjetor Buxhetor i Komunës së Shtimes për Janar-Dhjetor 2024.
Drejtori i Financave, Besnik Ahmeti, prezantoi raportin, duke thënë se afro 99% e buxhetit të planifikuar për vitin 2024 është shpenzuar.
4. Propozim-Vendimi paraprak për dhënien në shfrytëzim të parcelave komunale në Z.K.-Shtime.
5. Propozim-Vendimi për ndryshimin e vendimit për mbulimin e shpenzimeve të varrimit.
6. Propozim-Vendimi për ndryshimin e vendimit për subvencionimin me 100 euro në muaj për familjet që strehojnë fëmijët pa përkujdesje prindërore.
7. Draft-Plani ndërkomunal për menaxhimin e integruar të mbeturinave për rajonin e Gjilanit dhe Ferizajt.
8. Raporti i Punës së Kuvendit për vitin 2024.
9. Informatë për punën e Këshillit Komunal për Siguri në Bashkësi për vitin 2024.
Sqarime për pikat e rendit të ditës u dhanë nga drejtorët përkatës, duke mundësuar një shqyrtim të detajuar të çështjeve të ngritura. Në fund të mbledhjes, me kërkesë të asamblistëve, u diskutua edhe për ndërtimin e Entit Special në fshatin Zborc.
