Shtime, 27 qershor 2025- Në tri qendra të testimit, gjegjësisht në Gjimnazin “Naim Frashëri”, në ShMU “Emin Duraku” dhe në Institucionin e Arsimit dhe Afttësimit Profesional në Shtime është mbajtur Testi i Arritshmërisë për 370 nxënës të klasave të nënta të shtatë shkollave të mesme të ulëta të komunës sonë.
Nxënësit janë testuar në nëntë lëndë bazë: Gjuhë Shqipe, Gjuhë Angleze, Histori, Gjeografi, Matematikë, Informatikë, Fizikë, Kimi, Biologji.
Ky test është një nga vlerësimet më të rëndësishme në përfundim të arsimit të obligueshëm dhe shërben si bazë për orientimin e mëtejmë arsimor të nxënësve në shkollat e mesme.
Rezultatet e Testit të Arritshmërisë më së largu priten të publikohen më 7 korrik 2025 nga Divizioni për Sigurimin e Cilësisë, Standarde, Vlerësim dhe Licencim.
