Shtime, 12 dhjetor 2025- Kanë përfunduar aktivitetet në kuadër të fushatës globale “16 Ditët e Aktivizimit kundër Dhunës në Baza Gjinore”, të mbështetura nga Kryetari i Komunës, dr. Qemajl Aliu.
Gjatë këtyre ditëve, nën organizimin e infermieres Donjeta Krasniqi, ideatores së projektit, dhe në bashkëpunim me Policinë e Kosovës në Shtime, Qendrën për Punë Sociale, si dhe QKMF “dr. Vezir Bajrami”, u zhvilluan ligjërata vetëdijesuese dhe aktivitete të shumta në shkolla dhe institucione të tjera komunale. Këto aktivitete patën për qëllim ngritjen e ndërgjegjësimit dhe fuqizimin e komunitetit në parandalimin e çdo forme të dhunës.
Komuna e Shtimes mbetet e përkushtuar dhe e palëkundur në luftimin e dhunës në baza gjinore, duke theksuar rëndësinë e bashkëpunimit institucional dhe të angazhimit të vazhdueshëm për një shoqëri më të sigurt dhe më të barabartë për të gjithë qytetarët.
