Shtime, 30 maj 2025- Me rastin e 31 Majit, që shënon Ditën Botërore pa Duhan, Qendra Kryesore e Mjekësisë Familjare “Vezir Bajrami” në Shtime organizoi sot një aktivitet vetëdijësues ku qëllim ishte ngritja e ndërgjegjësimit publik për pasojat serioze që shkakton përdorimi i duhanit.
Në aktivitet morën pjesë drejtori i QKMF-së, Ilaz Kadrijaj, kryeinfermierja Mervete Hasani si dhe profesionistë shëndetësorë.
Drejtori Kadrijaj theksoi se sëmundjet kardiovaskulare janë shkaku kryesor i vdekjeve në botë, dhe se përdorimi i duhanit dhe ekspozimi ndaj tymit të tij kontribuojnë në rreth 12% të këtyre vdekjeve.
Nga ana tjetër, kryeinfermierja Hasani tha se duhani përbën shkakun e dytë më të rëndësishëm të sëmundjeve kardiovaskulare, pas presionit të lartë të gjakut. Ajo nënvizoi rëndësinë e parandalimit dhe ndërprerjes së konsumimit të duhanit për përmirësimin e cilësisë së jetës dhe shëndetit publik.
Sipas statistikave globale, më shumë se 7 milionë njerëz humbin jetën çdo vit si pasojë e përdorimit të duhanit, përfshirë rreth 900 mijë joduhanpirës të cilët ekspozohen në mënyrë pasive ndaj tymit. Rreth 80% e më shumë se 1 miliard duhanpirësve në botë jetojnë në vendet me të ardhura të ulëta dhe të mesme, ku ndikimi i kësaj dukurie është edhe më i theksuar.
Ky aktivitet i organizuar nga QKMF “Vezir Bajrami” synoi të japë një mesazh të qartë për ndërgjegjësimi për heqjen dorë nga duhani.
