Shtime, 5 qershor 2026- Kryetari i Komunës së Shtimes, Dr. Qemajl Aliu, priti në një takim nxënësit e shkollave të komunës sonë, të cilët morën pjesë në trajnimin bazik për kërkim-shpëtim dhe mbijetesë, të organizuar nga Agjencia e Menaxhimit Emergjent në Qendrën për Kërkim-Shpëtim në Zubin Potok.
Gjatë takimit, kryetari Aliu i përgëzoi nxënësit për angazhimin dhe përkushtimin e treguar, duke vlerësuar rëndësinë e përfitimit të njohurive dhe aftësive praktike në fushën e menaxhimit të emergjencave.
“Jeni shembull i mirë i rinisë sonë. Përvojat dhe njohuritë që keni fituar do t’ju shërbejnë jo vetëm juve, por edhe qytetarëve të komunës tonë. Investimi në edukimin dhe aftësimin e të rinjve është investim në një shoqëri më të sigurt dhe më të përgatitur për sfidat e së ardhmes”, tha kryetari Aliu.
Nga ana tjeter edhe nxënësit e falënderuan kryetarin Dr. Qemajl Aliu për mundësinë e ofruar për të qenë pjesë e këtij trajnimi të rëndësishëm, duke treguar për këtë përvojë të vlefshme.
Trajnimi kishte për qëllim përgatitjen e nxënësve për reagim në raste emergjente, duke u ofruar njohuri teorike dhe praktike për sigurinë, kërkim-shpëtimin, i cili u bë i mundur falë marrëveshjes së bashkëpunimit ndërmjet Komunës së Shtimes dhe Agjencisë së Menaxhimit Emergjent.
